நாட்டின் 63-வது சுதந்திர தின விழாவில் பிரதமர் மன்மோகன் சிங் ஆற்றிய உரையின் முக்கிய அம்சங்கள் உங்கள் பார்வைக்கு:

* கடத்தல்காரர்கள், பதுக்கல்காரர்களுக்கு எச்சரிக்கை.

* பன்றிக் காய்ச்சல் குறித்து பீதி தேவையில்லை.

* 9 சதவீத வளர்ச்சியை எட்ட இலக்கு.

* சவாலைச் சமாளிக்க வர்த்தகர்கள், தொழிலதிபர்கள் உதவ கோரிக்கை.

* வறட்சியைச் சமாளிக்க விவசாயிகளுக்கு தேவையான உதவி.

* விவசாயிகள் வங்கிக் கடனை திரும்பச் செலுத்த சலுகை, குறுகிய கால பயிர்க் கடன் வசதி.

* அத்தியாவசிய பொருள் விலை உயர்வைக் கட்டுப்படுத்த நடவடிக்கை.

* மீண்டும் ஒரு பசுமைப் புரட்சி மூலம் 4 சதவீத வளர்ச்சியை 5 ஆண்டுகளில் எட்ட உறுதி.

* பட்டினிச் சாவைத் தடுக்க உணவு பாதுகாப்புச் சட்டம்.

* வறுமைக் கோட்டுக்குக் கீழ் உள்ளவர்களுக்கு சலுகை விலையில் அரிசி, கோதுமை விநியோகம்.

* அனைத்து குழந்தைகளுக்கும் ஊட்டச் சத்து உணவு.

* தேசிய கிராமப்புற வேலை உத்திரவாத திட்டம் நகர்ப்புறங்களுக்கு விரிவாக்கம்.

* அனைவருக்கும் கட்டாயக் கல்வி. இதற்கு தேவையான நிதி ஒதுக்கீடு.

* மாற்றுத் திறன் கொண்ட குழந்தைகளின் தேவைகளில் சிறப்புக் கவனம்.

* அனைத்து குழந்தைகளுக்கும் மேல்நிலைக் கல்வி கிடைப்பதை உறுதி செய்யத் திட்டம்.

* மாணவர்கள் உயர்கல்வி பயில வங்கிக் கடனுதவி.

* பொருளாதாரத்தில் பின்தங்கிய மாணவர்களுக்கு குறைந்த வட்டியில் கல்விக் கடன் வசதி.

* பாரத் நிர்மாண் திட்டத்துக்குக் கூடுதல் நிதி ஒதுக்கீடு மூலம் கிராமம் மற்றும் நகரங்கள் மேம்பாடு.

* நாளொன்றுக்கு 20 கி.மீ. நீள சாலை வசதி ஏற்படுத்த இலக்கு.

* ஜம்மு காஷ்மீர் மற்றும் வடகிழக்கு மாநிலங்களில் சாலை, ரயில் மற்றும் விமான போக்குவரத்து வசதி.

* 8 தேசிய இயக்கங்கள் வாயிலாக புவி வெப்பமடைவதால் ஏற்படும் பிரச்னைகளைச் சமாளிக்க முடிவு.

* சூரிய சக்தியை சிறப்பாகப் பயன்படுத்த முடிவு.

* தீவிரவாதத்தை ஒழிக்க உறுதியான நடவடிக்கை.

* தாழ்த்தப்பட்ட, பழங்குடியின மக்களின் மேம்பாட்டுக்கு உறுதியான நடவடிக்கை.

* சிறுபான்மையின மக்களின் மேம்பாட்டுக்கான நலத் திட்டங்களை முனைப்புடன் செயல்படுத்த முடிவு.

* சாதி மோதல்களைத் தடுக்கச் சட்டம்.

* பெண் சிசுக் கொலையை தடுக்க நடவடிக்கை.

* மகளிர் மசோதாவை நிறைவேற்ற உறுதி.

* கிராம, நகர பஞ்சாயத்துகளில் மகளிர்க்கு 50 சதவீத இட ஒதுக்கீட்டுக்குப் புதிய சட்டம்.

* தேசிய மகளிர் கல்வி திட்டம் நாடு முழுவதும் செயல்படுத்தத் திட்டம்.

* ராணுவ வீரர்களுக்கு ஓய்வூதியத் திட்டம்.

* பிராந்திய ஏற்றத் தாழ்வைக் குறைக்க நடவடிக்கை.

* வடகிழக்கு மாநிலங்களை நாட்டின் பிற மாநிலங்களுக்கு நிகராக முன்னேற்ற நடவடிக்கை.

* அண்டை நாடுகளுடன் சுமுகமான உறவை மேற்கொண்டு இப்பிராந்தியத்தில் அமைதி நிலவ முயற்சி எடுத்தல்.

* தகவல் அறியும் உரிமைச் சட்டத்தை மேலும் சிறப்புடையதாக்குவதோடு வெளிப்படைத் தன்மையுடன் செயல்படுத்த நடவடிக்கை.

* கிராமப்புறத் திட்டங்களை சிறப்பாகச் செயல்படுத்த உரிய நிர்வாக நடவடிக்கை.

* ஒன்றரை ஆண்டில் அனைவருக்கும் தேசிய அடையாள அட்டை.